本
文
摘
要
有，當然也有。閩南有創作閩南語歌，就我所知也有相當數量。 在底下，附上我最近所聽且由漳泉原鄉的朋友所作當中，我印象深刻的其中兩首歌的歌詞、逐字注音，以及視頻連結。其中一首為詞曲皆原創；另一首則是一位原鄉的網友，就動畫電影《名偵探柯南》的一首主題曲的曲來填詞，填上閩南語詞所唱。用以為例。 歌詞詞素字符表寫，也就是用字規範，是依臺灣教育部《常用詞辭典》→ http://twblg.dict.edu.tw/holodict_new/default.jsp 注音的拉丁拼寫規則，是以反映閩南語音韻系統的閩南語制式拼音「臺羅拼音」為規範所作注音。臺羅教學網，請見→ http://tailo.moe.edu.tw/ 注音不照我本人的母語直覺口音，臺灣南部口音。而是盡量以歌手，也是作詞者，在歌曲當中所唱的口音。同個詞的文白音分配的習慣，亦然。各地或有的，相對少數的不同慣用語詞，當然更也從之。 至於腔調，聲調調值跟語調。閩南語開枝散葉，北至少從浙南，一路向南，穿州過府越省界，又出海，跨國界，一直到南洋，皆有閩南語的社會。是自然的跨國語言。好幾千萬人在使用，以人口計，是全世界前三十大語言，分佈面積又如此寬闊的大語言，不免有不同腔口，腔調跟口音的不同。 在同這一個語言，講話時，會感覺到的腔調不同，主要是因為貫穿每一個音節、語詞、語句以及整段話的調值系統，有不同。不過，在唱歌時，字詞句的聲調跟語調，會由歌曲的曲調來取代接管，就無差了。然而，即便在許多地方的口音的陽上調(第六聲)多歸併到陽去(第七聲)，本變調的調值無從分辨，無從分別第六聲，而為七調系統；但是因為泉腔聲調系統較普遍仍是八音俱全，從本變調的調值仍可自然分辨出陽上，所以在泉州朋友所作的第一首歌當中若有陽上字，比如 「在tsǎi」、「是sǐ」，我仍是依照陽上第六聲來標調符。 ================================================ 《在外咱厝人》《Tsǎi-guā Lán-tshù-lâng》 蘇世洪Soo Sè-hông --------------------------------------- 細漢的時陣 聽阿媽講 suè-hàn ê sî-tsūn, thiann a-má kóng 水是故鄉的甜 tsuí sǐ kòo-hiong--ê tinn 大漢的時陣 才當體會 tuā-hàn ê sî-tsūn, tsiah-tong thé-huē 甜在心肝頂 tinn tsǎi sim-kuann tíng 出門的時陣 爸母交代 tshut-mn̂g ê sî-tsūn, pē-bú kau-tài 家鄉的寸土金 ka-hiong ê tshùn-thóo kim 啥時攏毋通放袂記 siánn-sî lóng m̄-thang pang-buě-kì 咱承皇天后土恩 lán sîng Hông-thian Hiǒ-thóo un 人生啊在外漂泊 lên-sing--ah tsǎi-guā phiau-phik 拍拚攏為著前程 phah-piànn lóng uī-tio̍h tsiân-tîng 厝內的相片帶身邊 tshù-lǎi ê siòng-phìnn tuà sen-pinn 偌濟往事講袂清 guā-tsuē óng-sū kóng buě tshing 囝仔時陣愛年兜 kán-á sî-tsūn ài nî-tau 如今思鄉亂糟糟 lû-kim su-hiong luān-tsau-tsau 歡喜只有佇睏夢中 huann-hí tsí-ǔ tǐ khùn-bāng tiong 聽著故鄉唱的歌謠 thiann-tio̍h kòo-hiong tshiùnn ê kua-iâu 天是故鄉的藍 thinn sǐ kòo-hiong--ê nâ 山是故鄉的青 suann sǐ kòo-hiong--ê tshinn 米是故鄉的芳 bí sǐ kòo-hiong--ê phang 茶是故鄉的味 tê sǐ kòo-hiong ê bī 歌是故鄉的腔 kua sǐ kòo-hiong ê khiunn 人是故鄉的親 lâng sǐ kòo-hiong--ê tshen 情是故鄉的真 tsîng sǐ kòo-hiong--ê tsen 月是故鄉的圓 gue̍h sǐ kòo-hiong--ê înn ---------------------------------------------- 視頻 (下列不同視頻影像有不同，會有不同的效果跟感受) → https://www. *** .com/watch?v=4PGG5oYCiMI ************************************************************* 《TIME AFTER TIME 》（名偵探柯南） ------------------------------------------------------------ 若是我 nā-sī guá 若是我猶信 nā-sī guá iáu sìn 姻緣天註定 in-iân thinn tsù-tiānn 若是你 nā-sī lí 若是你猶信 nā-sī lí iáu sìn 相見總有時 siong-kīnn tsóng ū sî 若按呢 nā án-ni 命運的神明 miā-ūn ê sîn-bîng 請聽阮祈禱 tshiánn thiann guán kî-tó 請成全 tshiánn sîng-tsuân 所有有情的人 sóo-ū ū-tsîng ê lâng 三千千世界 sann-tshian-tshian sè-kài 四萬萬人來人往 sì-bān-bān jîn-lâi jîn-óng 無形的紅線 bû-hîng ê âng-suànn 你的羈絆是阿誰 lí ê ki-puànn sī a-tsiâng TIME AFTER TIME 擦肩而過 tshat-kian jî-kò 是停步抑是離去 sī thîng-pōo ia̍h-sī lī-khì 心內敢有 sim-lāi kánn-ū 淡薄仔薄感覺悵然失 tām-po̍h-á-po̍h kám-kak thiàng-jiân sit 是你我的自作多情 sī lí-guá ê tsū-tsok to-tsîng 抑是神明佇咧創治 ia̍h-sī sîn-bîng tī-teh tshòng-tī 這問題 tse būn-tê 試問天下 tshì-mn̄g thinn-ē 敢有啥人知 kánn-ū siánn-lâng tsai 若是風 nā-sī hong 若是風有情 nā-sī hong ū-tsîng 陣陣攏會唱歌 tsūn-tsūn lóng ē tshiùnn-kua 若是雨 nā-sī hōo 若是雨有情 nā-sī hōo ū-tsîng 滴滴攏會寫詩 tih-tih lóng ē siá-si 若按呢 nā án-ni 風雨的神明 hong-hōo ê sîn-bîng 請聽阮祈禱 tshiánn thiann guán kî-tó 請轉達 tshiánn tsuán-ta̍t 講袂出口的愛 kóng bē tshut kháu ê ài 東西南北風 tang-sai-lâm-pak hong 春夏佮秋冬的雨 tshun-hā kah tshiu-tang ê hōo 飄飄閣灑灑 phiau-phiau koh sá-sá 就是我對你講話 tō sī guá tuì lí kóng-uā TIME AFTER TIME 若拄著你 nā tú tio̍h lí 是會記抑是袂記 sī ē-kì ia̍h-sī bē-kì 彼个時陣 hit ê sî-tsūn 是毋是我的心意 sī--m̄ sī guá ê sim-ì 已改變 í kái-pīnn 是想欲一時陣的歡喜 sī siūnn-beh tsi̍t-sî-tsūn ê huann-hí 抑是輸予時間的把戲 ia̍h-sī su hōo sî-kan ê pá-hì 這問題 tse būn-tê 試問天下 tshì-mn̄g thinn-ē 敢有啥人知 kánn ū siánn-lâng tsai 問天問地 mn̄g thinn mn̄g tē 問人問家己 mn̄g lâng mn̄g ka-kī 情是何物 tsîng sī hô mn̍gh 敢真正賭生死 kám tsin-tsiànn tóo senn-sí 孤獨的人 koo-to̍k ê lâng 無法安心 bô-huat an-sim 伊也想欲知己 i iā siūnn-beh ti-kí 若是我 nā-sī guá 若是我猶信 nā-sī guá iáu sìn 姻緣天註定 in-iân thinn tsù-tiānn 若是你 nā-sī lí 若是你猶信 nā-sī lí iáu sìn 相見總有時 siong-kìnn tsóng ū sî 若按呢 nā án-ni 命運的神明 miā-ūn ê sîn-bîng 請聽阮祈禱 tshiánn thiann guán kî-tó 牽引的紅線 khan-ín ê âng-suànn 請帶阮行 tshiánn tuà guán kiânn TIME AFTER TIME 我咧祈禱 guá teh kî-tó 每每攏真心真意 mái-mái lóng tsin-sim tsin-ì 三千千世界 sann-tshian-tshian sè-kài 四萬萬人啊 sì-bān-bān lâng--ah 誰是伊 tsiâng sī i 眾裡尋伊 tsiòng lí sîm i 千度百度 tshian-tōo pah-tōo 踏破鞋仔 ta̍h phuà ê-á 揣也袂著 tshuē iā bē tio̍h 才回首 tsiah huê siú 伊就佇咧 i tō tī-teh 闌珊燈火中 lân-san ting-hé tiong ----------------------------------------- 視頻 (下列不同視頻影像有不同，會有不同的效果跟感受) http://www.tudou.com/programs/view/7_ef9VccibY/?FR=LIAN http://www.bilibili.com/video/av2157991/index_2.htmlhttps://www. *** .com/watch?v=u90cuWn5SOE
